Dr Johann Wilhelm Joseph Janaz vo dr Pfalz (au „Jan Wellem“ gnennt, * 19. April 1658 z Düsseldorf; † 8. Juni 1716 z Düsseldorf) het zur jüngere Nöiburger Linie vo de Wittelsbacher ghöört. Sit 1679 isch er as Johann Wilhelm II. Herzog vo Jülich und Bärg und vo 1690 aa au Erzschatzmäister vom Häilige Römische Riich, Pfalzgroof-Kurfürst vo dr Pfalz und Pfalzgroof-Herzog vo Pfalz-Nöiburg gsi. Er isch zwäimol verhürootet gsi, het aber käini Chinder gha, won en überläbt häi. Si Noochfolger isch si jünger Brueder Karl Philipp gsi.
Im Spanische Erbfolgchrieg isch dr Johann Wilhelm für e Zitli wider in Bsitz vo de früenere kurpfälzische Territorie (Oberpfalz und Groofschaft Cham 1707–1714) choo und het dr Boste vom ene Erztruchsess vom Riich usgfüllt.